ஊராட்சி மன்றத் தலைவரின் இருசக்கர வாகனம் திருட்டு - சிசிடிவி காட்சியைக் கொண்டு போலீசார் விசாரணை!

காஞ்சிபுரம்: புதுப்பாக்கம் அருகே முன்னாள் ஊராட்சி மன்றத் தலைவரின் இரு சக்கர வாகனத்தை திருடியவர்கள் குறித்து சிசிடிவி காட்சிகளைக் கொண்டு காவல் துறையினர் விசாரித்து வருகின்றனர்.

காஞ்சிபுரம் மாவட்டம், புதுப்பாக்கம் காமாட்சி அம்மன் தெருவில் வசித்துவருபவர் ஜெயபால். முன்னாள் ஊராட்சி மன்றத் தலைவரான இவர், கடந்த புதன்கிழமை வழக்கம் போல் தனது வீட்டினருகே இருசக்கர வாகனத்தை நிறுத்தி வைத்துள்ளார். மறுநாள் காலை இருசக்கர வாகனத்தை காணவில்லை, அதிர்ச்சியடைந்த ஜெயபால் சிவகாஞ்சி காவல் நிலையத்தில் புகார் அளித்தார்.

புகாரின் பேரில் விசாரணை நடத்திய காவல் துறையினர், வீட்டிலுள்ள சிசிடிவி காட்சியை பார்த்தபோது சம்பவத்தன்று இரு நபர்கள் ஜெயபால் வீட்டை நோட்டமிட்ட காட்சியும், இரு சக்கர வாகனத்தை திருடி சென்ற காட்சியும் பதிவாகி இருந்தது. சிசிடிவி காட்சியின் அடிப்படையில், காவல்துறையினர் இருசக்கர வாகனத்தை திருடிச் சென்றவர்களை தீவிரமாக தேடி வருகின்றனர்.

இதையும் படிங்க: உணவில் மயக்கமருந்து கலந்து பணம் நகைகள் கொள்ளை! - சமையல்காரர் கைது!