'நேரடி நெல் கொள்முதல் நிலையம் அமைத்து தராவிட்டால் தேர்தலைப் புறக்கணிப்போம்'

நேரடி நெல் கொள்முதல் நிலையம் அமைக்கவில்லை என்றால் வரும் சட்டப்பேரவைத் தேர்தலைப் புறக்கணிக்க உள்ளதாக முசரவாக்கம் கிராம விவசாய ஆர்வலர் குழு அறிவித்துள்ளது.

காஞ்சிபுரம் மாவட்டம், முசவரவாக்கம் கிராமத்தில் விவசாயமே பிரதானத் தொழிலாக இருக்கிறது. தற்போது இங்கு 2,500 ஏக்கர் பரப்பளவில் நெல் பயிரடபட்டு அறுவடைக்கு தயாராக உள்ளது.

இந்நிலையில் கடந்த காலங்களில் நேரடி நெல் கொள்முதல் நிலையம் செயல்பட்டு வந்ததோடு, அதற்கான கட்டத்திற்கு சட்டப்பேரவை உறுப்பினர் தொகுதி மேம்பாட்டு நிதியலிருந்து ஒதுக்கீடு செய்யப்பட்டு அதற்கான பணிகளும் நடைபெற்று வருகிறது. முன்னதாக இப்பருவத்திற்கான நேரடி நெல் கொள்முதல் நிலையம் அமைக்க வேளாண்மை துறை , மண்டல மேலாளர், ஆட்சியர் அலுவலகம் என விண்ணப்பம் செய்த நிலையில், இறுதியாக ஆட்சியரிடம் தங்கள் குறைகளை நேரில் சந்தித்து தெரிவிக்க, கிராம விவசாய ஆர்வலர் குழுவினர் முயன்றனர். ஆனால் தேர்தல் பணி காரணமாக சந்திக்க இயலாது என ஆட்சியர் தெரிவித்துள்ளார்.

மேலும் பக்கத்து கிராமத்திற்கு நேரடி நெல் கொள்முதல் நிலையம் ஒதுக்கீடு செய்யப்பட்டுள்ளது. இதனை அறிந்த விவசாய ஆர்வலர் குழு கூறுகையில், "இந்தப் பருவத்தில் எங்களுக்கு பெரும் இழப்பு ஏற்படும். எங்கள் கிராமத்திலேயே நேரடி நெல் கொள்முதல் நிலையம் அமைக்க வேண்டும். இதை செய்யத் தவறும்பட்சத்தில் வருகின்ற சட்டப்பேரவைத்தேர்தலில் விவசாய ஆர்வலர் குழுவினர் தேர்தலை புறக்கணிப்போம்" என்றனர்.

இதையும் படிங்க: தெர்மகோலுடன் வந்து வேட்பு மனுத் தாக்கல் செய்த சின்னம்மாள்