செங்கல்பட்டு ரயில் நிலையத்தில் துணிப்பையில் கிடந்த குழந்தை!

காஞ்சிபுரம்: செங்கல்பட்டு ரயில் நிலையத்தில் பிறந்து ஏழு நாள்களே ஆன குழந்தையை துணிப்பையில் வைத்து யாரோ போட்டுவிட்டு சென்றுள்ள சம்பவம் குறித்து காவல் துறையினர் விசாரணை மேற்கொண்டுவருகின்றனர்.

செங்கல்பட்டு ரயில் நிலையத்தில் நின்றுகொண்டிருந்த சென்னை கடற்கரைவரை செல்லும் மின்சார ரயிலில் பிறந்து ஏழு நாள்களே ஆன பச்சிளம் குழந்தையை துணிப்பையில் வைத்து யாரோ போட்டுவிட்டுச் சென்றுள்ளனர்.

இது குறித்து வழக்குப்பதிவு செய்து விசாரணை நடத்திவரும் ரயில்வே காவல் துறையினர் அக்குழந்தையை செங்கல்பட்டு அரசு மருத்துவக் கல்லூரி மருத்துவமனையில் அனுமதித்துள்ளனர். தற்போது குழந்தை சிகிச்சை பெற்றுவருகிறது.

அந்தக் குழந்தை பிறந்து ஏழு நாள்கள் மட்டுமே ஆகியுள்ளது குறிப்பிடத்கக்கது. தொடர்ந்து இது குறித்து செங்கல்பட்டு ரயில்வே காவல் துறையினர் பல்வேறு கோணங்களில் விசாரணை மேற்கொண்டுவருகின்றனர்.

இதையும் படிங்க: