தேரை வடம் பிடித்து இழுத்த இயக்குநர் ஏ.ஆர்.முருகதாஸ்

பிரபல திரைப்பட இயக்குநர் ஏ.ஆர்.முருகதாஸ் ஸ்ரீ தில்லை கோவிந்தராஜ பெருமாள் கோயில் தேரை வடம் பிடித்து இழுத்துச் சென்றார்.

கள்ளக்குறிச்சி: மந்தைவெளியில் உள்ள பிரசித்தி பெற்ற ஸ்ரீ தில்லை கோவிந்தராஜ பெருமாள் கோயில் தேர் திருவிழாவானது நேற்று (ஏப்.16) வெகு விமர்சையாக நடைபெற்றது. இதில் ஆயிரக்கணக்கான பக்தர்கள் கலந்துகொண்டு தேரை வடம் பிடித்து இழுத்தனர்.

மேலும் பிரபல திரைப்பட இயக்குநர் ஏ.ஆர்.முருகதாஸ் தனது குடும்பத்தினருடன் கலந்துகொண்டு ஹர ஹர கோவிந்தா என்ற கோஷங்களுடன் தேரை வடம் பிடித்து இழுத்தார்.

பிரபல இயக்குநர் தனது சொந்த ஊரில் தேரை வடம் பிடித்து இழுத்துச் சென்ற காட்சிகள் சமூகவலைதளத்தில் வைரலாகி வருகின்றன.

இதையும் படிங்க:சித்ரா பௌர்ணமி விழா: கஜேந்திரனுக்கு மோட்சம் அளித்த நம்பெருமாள்