தமிழ்நாடு சட்டப்பேரவைத் தேர்தல் இன்று (ஏப். 6) அனைத்துத் தொகுதிகளிலும் நடைபெற்றுவருகிறது. இதில் இளைய தலைமுறையினரும் மிகத் தீவிரமாக வாக்களிக்க களம் இறங்கியுள்ளனர்.
இளைய தலைமுறையினர் ஆர்வம்
பவானிசாகர் சட்டப்பேரவைத் தொகுதியில் விறுவிறுப்பாக வாக்குப்பதிவு நடந்துவருகிறது. இதில் இளைய தலைமுறை வாக்காளர்கள் ஆர்வத்துடன் வாக்களித்தனர்.
குறிப்பாக கல்லூரி மாணவிகள் ஆர்வத்துடன் வந்து வாக்களித்தனர். வலுவான இந்தியாவை உருவாக்கவும், மாநிலக் கட்சிகள் அடிப்படையாக இருக்கும் ஜனநாயகக் கடமையைச் சரியாகச் செய்ததில் மகிழ்ச்சியுடன் திருப்தி ஏற்படுத்தியுள்ளதாக கல்லூரி மாணவர்கள் ஸ்ருதி, ஐஸ்வர்யா, ஹரிப்பிரியா ஆகியோர் தெரிவித்தனர்.
கைக்குழந்தையுடன் வாக்கு
சத்தியமங்கலம் தண்டுமாரியம்மன் கோயில் வீதியைச் சேர்ந்த கல்பனா என்ற பெண், கணவருடன் ஒரு மாத கைக்குழந்தையுடன் வந்து வாக்களித்தார்.
இதையும் படிங்க: 'பெண்கள் ஆர்வமுடன் வாக்களிக்கும் பிங்க் வாக்குச்சாவடி!'
