ஈரோடு:ஈரோடு மாவட்டம், அந்தியூர் அருகே உள்ள மைக்கேல் பாளையத்தைச் சேர்ந்த தமிழ்ச்செல்வன், லோகநாதன் மற்றும் அந்தியூர் காலனி பகுதியைச் சேர்ந்த ஸ்ரீராம், முனியப்பன் கோவில் தோட்டம் பகுதியைச் சேர்ந்த தேவேந்திரன் ஆகிய நான்கு பேரும் நண்பர்கள்.
இந்த நிலையில், இன்று (ஜன.07) மதியம் நான்கு பேரும் தமிழ்செல்வனின் காரில் அந்தியூர் அருகே அத்தாணியில் உள்ள பவானி ஆற்றுக்குக் குளிக்கச் சென்றுள்ளனர். அப்போது, ஸ்ரீராம் மற்றும் தேவேந்திரன் ஆகியோர் ஆழமான பகுதிக்குச் சென்ற நிலையில் ஆற்றில் மூழ்கி உள்ளனர்.
இதனைக் கவனித்த அவரது நண்பர்கள் தமிழ்ச்செல்வன் மற்றும் லோகநாதன் கூச்சலிட்டு உள்ளனர், தொடர்ந்து, சம்பவம் குறித்து அந்தியூர் தீயணைப்பு வீரர்களுக்குத் தகவல் தெரிவித்துள்ளனர். இதனைத் தொடர்ந்து, சம்பவ இடத்திற்கு வந்த தீயணைப்புப் படை வீரர்கள் சுமார் 30 நிமிடம் தேடலுக்குப் பிறகு ஸ்ரீராமின் உடலை மட்டும் மீட்டுள்ளனர்.