கர்நாடக மதுபானங்கள் கடத்திய மூவர் கைது!

ஈரோட்டில் வாகன தணிக்கையில் ஈடுபட்டிருந்த காவல் துறையினர், கர்நாடக மாநிலத்திலிருந்து மதுபானங்கள் கடத்தி வந்த பெண் உள்பட மூவரை கைது செய்தனர்.

ஈரோடு: சத்தியமங்கலம் அடுத்துள்ள கடம்பூர் மலைப்பகுதியில் காவல் துறையினர், வாகன தணிக்கையில் ஈடுபட்டிருந்தனர். அப்போது, அவ்வழியாக இருசக்கர வாகனத்தில் வந்த பெண் உள்பட மூன்று பேரை நிறுத்தி, அவர்கள் வைத்திருந்த சாக்குப் பையை சோதனை செய்தனர்.

சோதனையில், 137 கர்நாடக மதுபான பாட்டில்கள் கடத்தி வந்தது தெரியவந்தது. இதையடுத்து காவல் துறையினர் நடத்திய விசாரணையில் அவர்கள், கடம்பூர் மலைப்பகுதி பசுவனாபுரம் கிராமத்தைச் சேர்ந்த அன்னராணி, பெரியசாலட்டி கிராமத்தைச் சேர்ந்த ராஜேந்திரன், திண்ணையூர் கிராமத்தைச் சேர்ந்த சதீஷ் என்பது தெரியவந்தது.

கைது

மேலும், மூவரும் சேர்ந்து கர்நாடக மாநிலம் ஜல்லிப்பாளையம் பகுதியில் மதுபானங்களை வாங்கிக் கொண்டு கடம்பூர் மலைப்பகுதியில் கூடுதல் விலைக்கு விற்பனை செய்ய முயற்சித்ததும் விசாரணையில் தெரியவந்தது.

இதையடுத்து, அவர்களை கைது செய்த காவல் துறையினர், அவர்களிடமிருந்து 137 மது பாட்டில்கள், இருசக்கர வாகனம் ஆகியவற்றை பறிமுதல் செய்தனர். பின்னர், அவர்களை கோபிசெட்டிபாளையம் நீதிமன்றத்தில் ஆஜர்படுத்திய காவல் துறையினர், சிறையில் அடைத்தனர்.

இதையும் படிங்க:வீடு புகுந்து செல்போன் திருடிய 5 பேருக்கு சிறை!