ஈரோடு: சத்தியமங்கலம் அருகே உள்ள அனுப்பர்பாளையம் கிராமத்தில் அரசு தொடக்கப்பள்ளி செயல்பட்டு வருகிறது. இந்தப் பள்ளிக்கு கடந்த மாதம் ஜான் சேவியர் என்பவர் பணி மாறுதலாகி வந்துள்ளார். இவர் கடந்த ஒரு மாதமாக பள்ளியில் பணி நேரத்தில் மது அருந்திவிட்டு, சரிவர மாணவர்களுக்கு கல்வி கற்பிக்காமல் இருந்ததாக கிராம மக்கள் குற்றம் சாட்டியதுடன், இன்று மாணவர்களின் பெற்றோர்கள் பள்ளியை முற்றுகையிட்டு போராட்டத்தில் ஈடுபட்டனர்.
அப்போது, பள்ளிக்கு வந்த தலைமை ஆசிரியரை பள்ளிக்கு உள்ளே விடாமல் போராட்டத்தில் ஈடுபட்டதால் தலைமை ஆசிரியர் ஜான் சேவியர் திரும்பிச் சென்றுள்ளார். இதனைத்தொடர்ந்து பள்ளிக்குச் சென்ற வட்டார கல்வி அலுவலர்கள் சரவணன், தேவகி, மற்றும் சத்தியமங்கலம் வட்டார வளர்ச்சி அலுவலர் உள்ளிட்டோர் போராட்டத்தில் ஈடுபட்ட பொதுமக்களிடம் பேச்சுவார்த்தை நடத்தினர்.
அரசு பள்ளியில் மது அருந்திவிட்டு பணியாற்றாத தலைமை ஆசிரியர் - பெற்றோர்கள் முற்றுகை போராட்டம்!