தொலைக்காட்சிப் பெட்டிக்குள் பாம்பு புகுந்ததால் பரபரப்பு

ஈரோடு: பவானிசாகர் அருகே தொலைக்காட்சிப் பெட்டிக்குள் புகுந்த பாம்பை பத்திரமாக வனத்துறையினர் மீட்டனர்.

ஈரோடு மாவட்டம் சத்தியமங்கலத்தை அடுத்த பசுவபாளையம் கிராமத்தைச் சேர்ந்தவர் ராசப்பன் (45). நெசவுத்தொழிலாளியான இவரது வீட்டில் பாம்பு ஒன்று புகுந்தது. பாம்பைக் கண்டு அலறிய அப்பகுதி பொதுமக்கள் உடனடியாக வனத்துறையினருக்கு தகவல் தெரிவித்தனர்.

இதனையடுத்து சம்பவ இடத்திற்கு வந்த வனத்துறையினர் வீட்டிற்குள் புகுந்த பாம்பை தேடியபோது, பாம்பு தொலைக்காட்சிப் பெட்டிக்குள் புகுந்து சுருண்டு படுத்துக்கொண்டிருந்துள்ளது. இதையடுத்து பெட்டியை வெளியே எடுத்து வந்து உள்ளே இருந்த பாம்பை பத்திரமாக மீட்டு சாக்குப்பைக்குள் வனத்துறையினர் அடைத்தனர்.

பின்னர் மீட்கப்பட்ட பாம்பை வனப்பகுதிக்குள் விட்டனர்.

வனத்துறையினர் பாம்பை பிடித்ததை அடுத்து பொதுமக்கள் நிம்மதியடைந்தனர்.

இதையும் படிங்க: தோட்டத்தில் நுழைந்த ஒற்றை யானை - அச்சத்தில் பொதுமக்கள்