'ஹைய்யா..விட்டாச்சு லீவு' - காலாண்டு விடுமுறையால் உற்சாகமடைந்த மாணவர்கள்!

ஈரோடு : அரசுப் பள்ளியில் காலாண்டுத் தேர்வு முடிந்து விடுமுறை நாட்கள் தொடங்கப்பட்டதால், புளியம்பட்டி அரசு பெண்கள் மேல்நிலைப்பள்ளி மாணவிகள் உற்சாகத்துடன் வீட்டிற்குச் சென்றனர்.

தமிழகத்தில் உள்ள அரசு, தனியார்ப் பள்ளிகள் கடந்த ஜூன் மாதம் திறக்கப்பட்டு தற்போதுவரை வகுப்புகள் நடத்தப்பட்டு வந்தன. இந்நிலையில், செப்டம்பர் மாதத்தில் ஆரம்பக்கல்வி முதல் மேல்நிலைக்கல்வி பயிலும் மாணவர்கள் வரை அனைவருக்கும் காலாண்டுத் தேர்வு நடந்து நேற்றுடன் முடிவடைந்தது. செப்டம்பர் 24ஆம் தேதி முதல் அக்டோபர் 3ஆம் தேதி வரை, இந்த காலாண்டுத்தேர்வு விடுமுறை விடப்பட்டுள்ளது.

இந்நிலையில், ஈரோடு மாவட்டம் புளியம்பட்டி அரசு பெண்கள் மேல்நிலைப்பள்ளியில் திங்கள்கிழமை தேர்வு முடிந்து வீடு திரும்பிய மாணவிகள் விடுமுறையைக் கழிக்க உற்சாகத்துடன் தங்களது வீடுகளுக்குத் திரும்பினர். பெரும்பாலான மாணவிகள் உறவினர்கள் வீட்டுக்குச் செல்வதாகவும், விடுமுறையைப் பயனுள்ளதாக கழிக்க இருப்பதாகவும் தெரிவித்தனர்.

இதையும் படிங்க : மாணவர்கள், ஆசிரியர்களுக்கு மாலை அணிவித்து மேளதாளம் முழங்க வரவேற்பு!