கோயில் பொருட்களை சேதப்படுத்திய போதை ஆசாமிகள் - போலீஸ் விசாரணை

ஈரோடு அருகே தனியார் ரெட் டாக்ஸி காரில் வந்த சிலர் மதுபோதையில், கோயிலிலுள்ள பொருட்களை சேதப்படுத்திய சம்பவம் குறித்து காவல் துறையினர் விசாரணை நடத்தி வருகின்றனர்.

ஈரோடு அடுத்துள்ள வில்லரசம்பட்டி அருகே தொட்டம்பட்டி கிராமம் அமைந்துள்ளது. இங்குள்ள, முனியப்பன் சாமி கோயிலில் நேற்று நள்ளிரவு (ஜன.25) தனியார் ‘ரெட் டாக்ஸி’ காரில் வந்த அடையாளம் தெரியாத நபர்கள், மது போதையில் கோயிலில் முன்பு நடப்பட்டிருந்த வேல் அருவாள் உள்ளிட்ட கோயிலின் பொருட்களை சேதப்படுத்தியுள்ளனர்.

அதிகாலையில் கோயிலுக்கு வந்த பூசாரி மற்றும் பொதுமக்கள் கோயிலின் பொருட்கள் சேதப்படுத்தப்பட்டு இருப்பதை கண்டு அதிர்ச்சியடைந்தனர். தொடர்ந்து, கோயிலில் பொருத்திருந்து சிசிடிவி காட்சிகளை ஆய்வு செய்தனர். இதில், காரில் வந்த நபர்கள் கோயிலின் பொருட்களை சேதப்படுத்திய காட்சிகள் பதிவாகி இருந்தது.

இதனைக் கொண்டு ரெட் டாக்ஸி நிறுவனத்திடம் முறையிட்டு எந்த நடவடிக்கையும் எடுக்கப்படாததால், இன்று (ஜன.26) வாடகைக்கு காரை அழைப்பது போல கிராம மக்கள் அழைத்து, தனியார் ரெட் டாக்ஸி காரை சிறை பிடித்தனர். இது குறித்து தகவலறிந்து சம்பவ இடத்திற்கு வந்த வீரப்பன்சத்திரம் காவல் துறையினர், இந்த சம்பவம் தொடர்பாக விசாரணை மேற்கொண்டு வருகின்றனர்.

இதையும் படிங்க:வீட்டிற்குள் புகுந்து கொள்ளை - தப்ப முயன்ற கும்பலை சுற்றி வளைத்த போலீஸ்