ஈரோடு மாவட்டம் கோபிசெட்டிபாளையம் அருகே உள்ள கள்ளிப்பட்டி, கணக்கம்பாளையம், பகவதிநகர், கொண்டையம்பாளையம் உள்ளிட்ட பகுதிகளில் நேற்று அதிகாலை முதல் தொடர்ந்து ஐந்து மணி நேரத்திற்கும் மேலாக பெய்த கனமழையினால், வேதபாறை காட்டாற்றில் ஏற்பட்ட வெள்ளப்பெருக்கு அப்பகுதிகளில் உள்ள தரைப் பாலங்களை மூழ்கடித்தது. இதனால் போக்குவரத்தும் கடுமையாகப் பாதிக்கப்பட்டது.
மேலும், கணக்கம்பாளையம் பகுதியில் வேதபாறை ஓடையின் அருகில் தாழ்வான பகுதியில் வசித்துவந்த பத்துக்கும் மேற்பட்ட வீடுகளுக்குள் வெள்ள நீர் புகுந்தது. இதனால் பாதிக்கப்பட்ட பொதுமக்களை மீட்ட வருவாய் துறையினர் அவர்களை பாதுகாப்பாக சமூதாய நலக்கூடத்தில் தங்கவைத்து, உணவு உள்ளிட்ட அடிப்படை வசதிகளை செய்துகொடுத்தனர்.
பாதிக்கப்பட்ட மக்களுக்கு நிவாரணம் வழங்கும் அந்தியூர் சட்டப்பேரவை உறுப்பினர் ராஜாகிருஷ்ணன்