சத்தியமங்கலத்தில் இலவச அம்மா உணவகம் திறப்பு

ஈரோடு: உள்ளூர் எம்எல்ஏ இல்லாமல் அமைச்சர் கருப்பண்ணன் தலைமையில் சத்தியமங்கலத்தில் இலவச அம்மா உணவகம் திறப்பு விழா நடைபெற்றது.

ஈரோடு மாவட்டம், சத்தியமங்கலம், புன்செய் புளியம்பட்டி அம்மா உணகவங்களில் அதிமுக சார்பில் இலவச உணவுகள் வழங்கும் விழா இன்று நடைபெற்றது. அதிமுக சார்பில் நடைபெறும் இவ்விழாவில் அமைச்சர் கருப்பண்ணன் கலந்துகொண்டு பார்வையிட்டார்.

சத்தியமங்கலம் அம்மா உணவகத்தில் காலை, மதியம் என 800 பேருக்கு சிற்றுண்டி, சாப்பாடு வழங்கப்படும். புன்செய் புளியம்பட்டி அம்மா உணவகத்தில் காலை, மதியம், மாலை என மூன்று வேளையும் தலா 300 பேர் வீதம் 900 பேருக்கு உணவு வழங்கப்படுவதாக அமைச்சர் தெரிவித்தார்.

இந்த விழாவில் பவானிசாகர் எம்எல்ஏ, ஈஸ்வரன் முன்னிலை வகிப்பதாக அறிவிக்கப்பட்டது. ஆனால் அமைச்சர் விழாவுக்கு வந்த பிறகு எம்எல்ஏ விழாவிற்கு வராமல் புறக்கணிப்பதாகக் கூறப்பட்டது.

நீண்ட நேரம் காத்திருந்த அமைச்சர் கருப்பண்ணன் இலவச உணவு திட்டத்தை பிறகு தொடங்கிவைத்தார். அதே பகுதியில் உள்ளூர் எம்எல்ஏ இல்லாமல் இலவச உணவு திட்டத்தை தொடங்கிவைத்தார்.

இலவச உணவு திட்டத்திற்கு வந்த பயனாளிகளுக்கு காய்ச்சல், சளி பரிசோதனைகள் செய்யப்பட்டன. ஊரடங்கு அறிவித்த மே 3ஆம் தேதிவரை அம்மா உணவகத்தில் இலவச உணவு வழங்கும் திட்டம் செயல்படும் என அமைச்சர் தெரிவித்தார்.

இதையும் படிங்க... சென்னையில் அனைத்து அம்மா உணவகங்களிலும் உணவு இலவசம்! - மாநகராட்சி அறிவிப்பு