மேட்டுப்பாளையம் சம்பவத்திற்கு நீதி கேட்டு ஆர்ப்பாட்டம்!

ஈரோடு : மேட்டுப்பாளையம் சம்பவத்திற்கு நீதி கேட்டு தடையை மீறி ஆர்ப்பாட்டம் நடத்தியவர்களை காவல் துறையினர் கைது செய்தனர்.

கோவை மாவட்டம் மேட்டுப்பாளையத்தில் சுவர் இடிந்து விழுந்து 17 பேர் பலியாகினர். இது தமிழ்நாட்டில் அதிர்வலைகளை ஏற்படுத்தியுள்ளது.

இந்நிலையில், இதுகுறித்து நியாயம் கேட்க சென்ற அருந்ததியர் சமுதாய தலைவர்கள் மீது கொலைவெறித் தாக்குதல் நடத்தியதை கண்டித்தும், தமிழ் புலிகள் கட்சி தலைவர் நாகை.திருவள்ளுவன், திராவிடர் தமிழர் கட்சி தலைவர் வழக்கறிஞர் வெண்மணி, சமத்துவ கழகச் செயலாளர் வழக்கறிஞர் கார்கி உள்ளிட்ட 50 பேர் கைது செய்யப்பட்டதை கண்டித்தும் அருந்ததியர் இளைஞர் பேரவை சார்பில் தடையை மீறி ஈரோடு பழைய ரயில் நிலையம் அருகே ஆர்ப்பாட்டத்தில் நடைபெற்றது.

மேலும், சுவர் இடிந்து விழுந்து 17 பேர் பலியான குடும்பத்தினருக்கு ரூ.25 லட்சம் நிவாரண நிதியும், அரசு வேலையும் வழங்க வேண்டும் என தடையை மீறி ஆர்ப்பாட்டத்தில் ஈடுப்பட்ட 10 க்கும் மேற்பட்டோரை காவல்துறையினர் கைது செய்தனர்.

இதையும் படிங்க: