ஈரோடு மாவட்டம், சத்தியமங்கலத்தை அடுத்த பவானிசாகர் வனப்பகுதியில் ஏராளமான யானைகள் உள்ளன. யானைகள் கூட்டம் கூட்டமாக பவானிசாகர் நீர்த்தேக்கப்பகுதிக்கு வந்து செல்லும்.
இந்நிலையில், தெங்குமரஹாடா வனம் அருகேயுள்ள குண்டுக்கல்பள்ளம் காட்டுப்பகுதியில் யானை இறந்து கிடப்பதாக வனத்துறையினருக்கு தகவல் கிடைத்தது. அதனடிப்படையில் சம்பவ இடத்திற்குச் சென்ற வனத்துறையினர், அங்குள்ள ஓடையில் இறந்து கிடந்த 10 வயது மதிக்கத்தக்க பெண்யானையைக் கண்டறிந்தனர்.