நாளை வலிமை படம் ரிலீஸ் - அஜித் ரசிகர்கள் உற்சாகம்

ஈரோட்டில் நீண்ட நாள்களுக்குப் பிறகு, நடிகர் அஜித் நடித்த வலிமை படம் வெளியாகவுள்ள நிலையில் அஜித் ரசிகர்கள் பெரும் உற்சாகத்தில் உள்ளனர்.

ஈரோடு:நடிகர் அஜித் நடித்த வலிமை திரைப்படம் நீண்ட நாள்களுக்குப் பிறகு நாளை (பிப். 24) திரையரங்குகளில் வெளியாகிறது. இதற்கென நாளை அதிகாலை திரையரங்குகளில் ரசிகர்களுக்கான ஸ்பெஷல் ஷோவாக முதல் காட்சி திரையிடப்பட உள்ளது. இதனால் அஜித் ரசிகர்கள் உற்சாகமடைந்துள்ளனர்.

இந்நிலையில் ஈரோடு மாவட்டம், சத்தியமங்கலத்தில் வலிமை திரைப்படம் வெளியாகும் திரையரங்குகள் வண்ண விளக்குகளால் அலங்கரிக்கப்பட்டு, மின்னொளியில் ஜொலிக்கின்றன. அஜித் ரசிகர்கள் திரையரங்குகள் முன்பு பேனர்கள் வைத்துள்ளனர்.

நீண்ட நாள்களுக்குப் பிறகு, வெளியாகும் வலிமை திரைப்படத்திற்கு பொதுமக்கள் ஆதரவு தெரிவிக்க வேண்டும் என அஜித் ரசிகர்கள் வேண்டுகோள் விடுத்துள்ளனர்.

இதையும் படிங்க:'அஜித்துடன் திரையைப் பகிர்ந்ததால் உற்சாகம்'; மனம் திறந்த ஹூமா குரேஷி