சத்தியமங்கலம் அருகே யானை தாக்கி முதியவர் உயிரிழப்பு!

சத்தியமங்கலத்தின் அருகே தோட்டத்துக்கு இரவு நேர காவலுக்குச் சென்ற முதியவர் ஒருவர் யானை தாக்கி உயிரிழந்த சம்பவம் சோகத்தை ஏற்படுத்தியுள்ளது.

ஈரோடு: சத்தியமங்கலம் அடுத்த பீக்கிரிபாளையம் கிராமத்தைச் சேர்ந்தவர் குருநாதன். இவர் இரவு நேரத்தில் காட்டுப்பன்றி, யானைகள் தொந்தரவு காரணமாக மக்காச்சோள தோட்டத்துக்கு இரவு நேர காவலுக்குச் சென்றுள்ளார்.

அப்போது சோளக்காட்டுக்குள் புகுந்த யானையை குருநாதன் விரட்ட முயன்றுள்ளார். இதில் யானை தாக்கி குருநாதன் சம்பவ இடத்திலேயே உயிரிழந்தார். தகவலறிந்து சம்பவ இடத்துக்கு வந்த வன, காவல் துறையினர் உடலை மீட்டு உடற்கூராய்வுக்கு அனுப்பிவைத்தனர்.

பின்னர் அவரது குடும்பத்திற்கு இழப்பீடு முன்தொகையாக 50 ஆயிரம் ரூபாயும் வழங்கப்பட்டது. காட்டு யானை தாக்கி முதியவர் ஒருவர் உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.

இதையும் படிங்க:புதுச்சேரியில் காவலர் தற்கொலை!