காந்தியின் சிலைக்கு கதர் நூல் மாலை அணிவித்த ஈரோடு ஆட்சியர்!

ஈரோடு: மகாத்மா காந்தியின் 150ஆவது பிறந்தநாளில் அவரது திருவுருவச் சிலைக்கு கதர் நூல்களாலான மாலையை அணிவித்து மாவட்ட ஆட்சியர் சி.கதிரவன் மரியாதை செலுத்தினார்.

நாட்டின் சுதந்திரத்திற்காக போராடி உயிர் நீத்த மகாத்மா காந்தியின் 150அவது பிறந்தநாள் விழா நாடு முழுவதும் வெகு சிறப்பாகக் கொண்டாடப்பட்டது. அதன் ஒருபகுதியாக ஈரோடு ஊராட்சி ஒன்றிய அலுவலக வளாகத்தில் மகாத்மா காந்தியின் திருவுருவச் சிலைக்கு மாலையணிவித்து மரியாதை செலுத்தும் நிகழ்ச்சி நடைபெற்றது.

நிகழ்ச்சியில் மாவட்ட ஆட்சியர் சி. கதிரவன் கலந்துகொண்டு காந்தியின் திருவுருவச் சிலைக்கு கதர் நூல்களாலான மாலையை அணிவித்து மரியாதை செலுத்தினார்.

இதனைத் தொடர்ந்து காதி கிராப்ட் (Khadi Craft) நிறுவனத்தில் மகாத்மா காந்தியின் திருவுருவப் படத்தை திறந்து வைத்த ஆட்சியர், அங்குள்ள கதர் ஆடைகளை பார்வையிட்டார். பின்னர், தீபாவளி கதர் சிறப்புத் தள்ளுபடி விற்பனையை குத்துவிளக்கேற்றி தொடங்கி வைத்தார்.

இதையும் படிக்க: காந்தி 150: ஈடிவி பாரத்தின் காந்தி சிறப்புப் பாடல்