ஈரோடு மாவட்டத்தில் கடந்த சில நாட்களாக கரோனா நோய்த் தொற்று அதிகம் பரவி வருகிறது. சிறுவர்கள் தொடங்கி பெரியவர்கள் வரை 100க்கும் மேற்பட்டவர்கள் பெருந்துறை அரசு மருத்துவக் கல்லூரி மருத்துவமனையில் உள்ள கரோனா வார்டில் சிகிச்சைப் பெற்று வருகின்றனர்.
அந்த வகையில் சித்தோடு நடுப்பாளையம், கோபிச்செட்டிப்பாளையம் ஆகிய பகுதிகளைச் சேர்ந்த இரண்டு கர்ப்பிணிப் பெண்களுக்கு நோய்த் தொற்று இருப்பது உறுதி செய்யப்பட்டு சிகிச்சைக்காக அனுமதிக்கப்பட்டுள்ளனர். இந்நிலையில் இருவருக்கும் பிரசவத்திற்கான காலம் முடிவடைந்ததை அடுத்து மருத்துவமனை டீன் மணி தலைமையிலான மருத்துவக் குழுவினரும் மகப்பேறு மருத்துவர்கள் குழுவினரும் இரண்டு பெண்களுக்குமான பிரசவ ஏற்பாடுகளை செய்தனர்.