ஈரோடு: தெற்கு மாவட்ட காங்கிரஸ் சார்பில் சுதந்திர தினவிழாவை முன்னிட்டு இன்று (ஆக.14) ஆய்வுக் கூட்டம் நடைபெற்றது. மாவட்ட தலைவர் மக்கள்ராஜன் தலைமை வகித்தார். முன்னாள் சட்டப்பேரவை உறுப்பினர் ஆர்.எம்.பழனிசாமி முன்னிலை வகித்தார். இதில் மாநில துணை தலைவர் இதயதுல்லா, மாநில செயலாளர் பிரியா ஆகியோர் கலந்து கொண்டு பேசினர்.
பின்னர் செய்தியாளர்களைச் சந்தித்த இதயதுல்லா, "தமிழ்நாட்டில் நடைபெற உள்ள உள்ளாட்சி தேர்தலுக்காக பூத் கமிட்டி, மாவட்ட கமிட்டி பட்டியல் தயாரிக்க மாநில கமிட்டி கோரி இருந்தது. அதற்கான பணிகளை தொடங்க உள்ளோம்.
மறைந்த காங்கிரஸ் பொறுப்பாளர்கள், வட்டார, கிளை பொறுப்பாளர்கள் இல்லங்களுக்கு சென்று அவர்களை கவுரவித்து கட்சியில் பணியாற்ற அழைப்பு விடுத்தோம். சுதந்திர தினவிழா நடைபயணத்தை, மூலப்பாளையத்தில் தொடங்க உள்ளோம்.
ஈரோட்டில் காங்கிரஸ் கட்சி ஆய்வுக் கூட்டம்