ஈரோடு மாவட்டம், பவானிசாகர் அணையின் மொத்த கொள்ளளவு 105 அடியாகவும், நீர் இருப்பு 32.8-டிஎம்சியாகவும் உள்ளது. இந்நிலையில் நீலகிரி மாவட்டத்தில் பெய்த கனமழை காரணமாக, அணைக்கு நீர்வரத்து 40 ஆயிரம் கன அடி வரை உயர்ந்து, கடந்த ஆகஸ்ட் 3 ஆம் தேதி 85 அடியாக இருந்த அணையின் நீர் மட்டம், படிப்படியாக உயர்ந்து இன்று (ஆகஸ்ட் 10) 100.50 அடியை எட்டியுள்ளது.
தென்மேற்குப் பருவமழை காலங்களில், பவானிசாகர் அணையின் நீர்மட்டத்தை, 102 அடிக்கு மேல் தேக்க இயலாது என்ற தேசிய நீர் மேலாண்மை திட்டத்தின் கீழ், நாளை (ஆகஸ்ட் 11) அணையின் நீர்மட்டம் 102 அடியை எட்டியும் அணையின் மதகுகள் திறக்கப்படவுள்ளன. இதன் காரணமாக அணைக்கு வரும் உபரி நீர் முழுவதும், பவானி ஆற்றில் திறந்து விடப்படும்.