சாலையின் குறுக்கே வந்த லாரி; ஹெல்மெட்டால் உயிர் தப்பிய இளைஞர்
ஈரோடு:ஈரோடு மாவட்டம், சத்தியமங்கலம் பகுதியில் இன்று (டிச.25) காலை பரவலாக மழை பெய்து கொண்டிருந்த நிலையில் சத்தியமங்கலத்தில் இருந்து மேட்டுப்பாளையம் செல்லும் சாலையில் காந்தி நகர் அருகே சாலையில் ஒரு லாரி சாலையில் மெதுவாகத் திரும்பிக்கொண்டிருந்தது. அவ்வழியே ஸ்கூட்டரில் சென்ற ஒரு வாலிபர், லாரி திரும்புவதைக் கண்டு லாரியின் மீது மோதி விபத்தைத் தவிர்ப்பதற்காக, திடீரென பிரேக் பிடித்துள்ளார்.
மழை ஈரம் காரணமாக ஸ்கூட்டர் நிலை தடுமாறி, 20 அடி தூரம் சறுக்கிக் கொண்டே கீழே விழுந்தார். இதில் வாலிபர் சாலையில் நின்ற லாரியின் மீது மோதினார். வாலிபர் ஹெல்மெட் அணிந்திருந்ததால் லேசான காயங்களுடன் உயிர் தப்பினார். இந்த காட்சி காவல்துறை சார்பில் பொருத்தப்பட்டுள்ள சிசிடிவி கேமராவில் பதிவானது.