இருசக்கர வாகன விபத்தில் இளைஞர் உயிரிழப்பு!

திண்டுக்கல்: வேடசந்தூரில் அடையாளம் தெரியாத வாகனம் மோதிய விபத்தில் இளைஞர் ஒருவர் சம்பவ இடத்திலேயே உயிரிழந்தார்.

திண்டுக்கல் மாவட்டம் ராஜகோபாலபுரத்தைச் சேர்ந்த கணேசன் என்பவரது மகன் பிரதாப் (25). பூ கடையில் வேலை பார்த்து வந்தார். இவர், வேடசந்தூரிலிருந்து திண்டுக்கல் செல்லும் சாலையில் நேற்றிரவு (மே 5) 10 மணியளவில் இருசக்கர வாகனத்தில் சென்று கொண்டிருந்தார்.

அப்போது, அவர் மீது அடையாளம் தெரியாத வாகனம் ஒன்று மோதிவிட்டு நிற்காமல் சென்றுவிட்டது. இதில் பிரசாந்த் தூக்கி வீசப்பட்ட நிலையில், சம்பவ இடத்திலேயே உயிரிழந்தார்.

இது குறித்து தகவலறிந்து சம்பவ இடத்திற்கு விரைந்து வந்த காவல் துறையினர், அவரது உடலை மீட்டு உடற்கூராய்வுக்காக அரசு மருத்துவமனைக்கு அனுப்பி வைத்தனர்.

மேலும், இச்சம்பவம் குறித்து வழக்குப்பதிவு செய்த காவல் துறையினர், விபத்து ஏற்படுத்திய அடையாளம் தெரியாத வாகனத்தை தேடி வருகின்றனர்.