திண்டுக்கல் மாவட்டம் வேடசந்தூர் அருகே கொங்கு நகரைச் சேர்ந்த பழனிசாமி தனது குடும்பத்துடன் வசித்துவந்தார். இவரை கடந்த சில தினங்களாக காணவில்லை என அவரது சகோதரர் ராஜ்குமார் வேடசந்தூர் காவல்நிலையத்தில் புகார் அளித்தார். ராஜ்குமாரின் புகாரை ஏற்றுக்கொண்ட காவல்துறையினர் பழனிசாமியை தீவிரமாக தேடி வந்தனர்.
சடலமாக இறந்து கிடந்த முதியர்
இந்நிலையில், நேற்று வேடசந்தூர்-ஒட்டன்சத்திரம் அருகே நான்கு கிலோமீட்டர் தொலைவில் செங்குளம் என்ற இடத்தில் ஆடு மேய்த்து கொண்டிருந்தவர்கள் ஏதோ துர்நாற்றம் வீசுவதை உணர்ந்து நேரில் சென்று பார்த்துள்ளனர். அப்போது 65 வயது மதிக்கத்தக்க ஆண் சடலத்தைக் கண்டு அதிர்ச்சி அடைந்தனர்.