விண்ணில் பாயும் ஆதித்யா எல்1: கொடைக்கானல் வான் இயற்பியல் ஆராய்ச்சி நிலையம் சார்பில் சிறப்பு ஏற்பாடு!

சூரியன் குறித்து ஆய்வினை மேற்கொள்ள ஆதித்யா L-1 விண்ணில் பாயவிருக்கும் காட்சிகளை, மக்கள் நேரில் கண்டுகளிக்கும் விதமாக கொடைக்காணல் வான் இயற்பியல் ஆராய்ச்சி நிலையம் சிறப்பு ஏற்பாடுகளை செய்துள்ளது.

திண்டுக்கல்: இந்தியாவின் அடுத்தகட்ட வளர்ச்சியாக சூரியனை ஆய்வு செய்ய விண்ணில் பாய்கிறது ஆதித்யா L-1 செயற்கைகோள். சூரியனைப் பற்றி விரிவாக ஆய்வு மேற்கொள்ள தொடர் கண்காணிப்பில் ஆதித்யா L-1 செயற்கைக்கோள் இருக்கும் என்று தெரிவிக்கப்பட்டுள்ளது.

ஆதித்யா L-1 செயற்கைகோள் விண்ணில் செல்லக்கூடிய காட்சிகளை மக்கள் நேரில் கண்டுகளிக்க சிறப்பு ஏற்பாடுகளுடன், இலவச அனுமதியையும் வழங்குவதாக அறிவித்துள்ளது கொடைக்கானல் வான் இயற்பியல் ஆராய்ச்சி நிலையம். இந்த அறிவிப்பு பொதுமக்கள் மத்தியில் வரவேற்கப்பட்டுள்ளது.

கடந்த சில தினங்களுக்கு முன்பு, உலகில் முதல் நாடாக நிலவின் தென் துருவத்தை ஆய்வு செய்வதற்காக சந்திராயன்-3 விண்கலம் வெற்றிகரமாக விண்ணில் செலுத்தப்பட்டு ஆய்வுகளை மேற்கொண்டு வருகிறது. இந்நிலையில் அடுத்த கட்ட திட்டச்செயலாக சூரியனைப் பற்றி ஆய்வு செய்வதற்காக, இந்தியாவில் இருந்து ஆதித்யா L-1 என்ற விண்கலம் ஸ்ரீஹரிகோட்டா சதீஸ் தவான் விண்வெளி மையத்தில் இருந்து விண்ணில் பாய்கிறது.

பூமியிலிருந்து சுமார் 15 லட்சம் கிலோ மீட்டர் தொலைவில் நிலைநிறுத்தப்படும் இந்த செயற்கைக்கோள், சூரியனில் இருந்து வெளிவரக்கூடிய கதிர்கள் மற்றும் சூரியனின் வெளிப்புற கரோனா குறித்தும் சூரியனில் ஏற்படும் மாற்றங்கள் குறித்தும் இடைவெளியின்றி தொடர்ந்து ஆய்வுகளை மேற்கொள்ளும். பின்னர், அங்கிருந்து பதிவு செய்யக்கூடிய படங்கள் அதிவேகமாக பூமிக்கு செயற்கைக்கோளில் அனுப்பி வைக்கப்படும்.

அவ்வாறு அனுப்பி வைக்கப்படும் படங்களை வைத்து பல கேள்விகளுக்கான பதில்கள் மற்றும் அது குறித்து ஆராய்ச்சிகள் தொடரப்படும். பிரபஞ்சம் தோன்றியது எப்படி உள்ளிட்ட பல்வேறு அரிய கேள்விகளுக்கு பதில் அளிக்கும் விதமாக ஆதித்யா L-1 இருக்கும் என்றும் கூறப்படுகிறது. நொடிக்கு நான்கு புகைப்படங்கள் வரை பூமிக்கு இந்த செயற்கைக்கோளிலிருந்து அனுப்பி வைக்கப்படும் என்றும் ஆதித்யா செயற்கைக்கோளிலிருந்து வரக்கூடிய படங்கள் மற்றும் தகவல்களை வைத்து பல்வேறு ஆராய்ச்சிகளும், தொடர் கண்காணிப்பில் இருக்கும் என்றும் விஞ்ஞானிகள் தெரிவிக்கிறார்கள்.

இது குறித்து கொடைக்கானல் வான் இயற்பியல் ஆராய்ச்சி நிலையத்தின் தலைமை விஞ்ஞானி எபினேசர் கூறுகையில், "உலகெங்கும் பல்வேறு ஆராய்சியாளர்கள் சூரியன் குறித்த ஆய்வுகளை முன்னெடுத்துள்ளனர். முன்னதாக solar tunnel telescopeஐ வைத்து சூரியன் பிரத்யேகமாக புகைப்படங்கள் எடுக்கப்பட்டது. தற்போது இது டிஜிட்டல் மையமாக்கப்பட்டுள்ளது. visible photosphere என்று சொல்லக்கூடிய வெளிப்புரத்தை 1904 ஆம் ஆண்டில் இருந்து இன்று வரை ஏறத்தாழ 120 வருடங்களுக்கு மேலாக பயன்படுத்தி துல்லியமாக புகைபடங்கள் எடுத்து வருகிறோம்.

சூரியனில் சூரிய கரும்புள்ளிகள் அவ்வப்போது தோன்றும் மறையும். இந்த கரும்புள்ளிகளில் இருந்து வெளிவரக்கூடிய கரோனல் மாஸ் எஜக்சென் 1200,1500,2000கிமீ ச்பெச்டோமீட்டரில் வெளிவரக்கின்றன. இப்படி வெளிவரக்கூடிய கதிர்களையுஇம், சோலார் கரோனாவில் ஏற்படக்கூடிய மாற்றங்களை ஆதித்யாL1 துல்லியமாக படமெடுத்து அனுப்பும்.

கரும்புள்ளிகளில் ஏற்படக்கூடிய ஆறஅசைவுகள் எனப்படும் the radial motion of sunspot-ஐ 1909 ஆம் ஆண்டு john evershed கண்டுபிடித்தார். இவரை கவுரவிக்கும் வகையில் இந்திய அரசு இவருக்கு தபால் தலை வெளியிட்டுள்ளது. ஆரம்ப நிலையாக பார்க்கப்படும் இந்த நிலையில் இருந்து தற்போது அதன் கதிர்களை ஆராயும் வரையில் முன்னேறியுள்ளது.

தற்போது சூரியனின் வெளிபுரத்தில் இருக்கக்கூடிய சோலர் கரோனல் எனப்படும் சுரியனின் மகுடம் ஏறத்தாழ 10 லட்சம் டிகிரியாக இருக்கிறது. இந்த வெப்பநிலை சூரியனில் ஏன் ஏற்படுகிறது, எதற்காக உருவாகிறது என ஆராய்ச்சியாளர் மத்தியில் இன்றளவிலும் குழப்பமாகவே உள்ளது. இதனை துல்லியமாக விளக்கும் விதத்தில் ஆதித்யாL1 அமையவிருக்கிறது.

பொதுவாக பூவி 24 மணி நேரத்திற்கும் ஆய்வில் ஈடுபட வாய்ப்பில்லை. ஏனெனில் புவியின் சுழற்ச்சியினால் இரவு வந்துவிடும். ஆனால் சுரியனுக்கும் பூமிக்கும் இடைபட்ட இடத்தில் இரவு என்பதே கிடையாது. அதனால் 365 நாட்களும் ஆதித்யாL-1 சூரியனை ஆய்வு செய்வது இதன் தனிச்சிறப்பாக பார்க்கப்படுகிறது. இந்தியா மட்டுமின்றி உலகளவில் பல்வேறு ஆராய்சியாளர்கள் சூரியனில் ஆய்வு மேற்கொள்கின்றனர். அவர்களுக்கெல்லாம் ஆதித்யாL-1-ன் தரவுகள் நல் வாய்ப்பாக இருக்கும்" என்று தெரிவித்தார்.

இதுவரை அமெரிக்கா மற்றும் ஐரோப்பா நாடுகளில் இருந்து அனுப்பி வைக்கப்பட்டுள்ள செயற்கைக்கோளை விட ஆதித்யா செயற்கைக்கோள் அதிக தரவுகளை கொடுக்கும் என்றும் நம்பப்படுகிறது . விண்ணில் செலுத்தப்படக்கூடிய ஆதித்யா L-1 காட்சிகளை பொதுமக்கள் கண்டு களிக்கும் விதமாக கொடைக்கானல் வானிய இயற்பியல் ஆராய்ச்சி நிலையத்தில் சிறப்பு ஏற்பாடுகள் செய்யப்பட்டுள்ளதாக அறிவித்துள்ளது. மேலும் இதற்கான அனுமதியையும் பொது மக்களுக்கு இலவசமாக வழங்கியுள்ளது கொடைக்கானல் வான் இயற்பியல் ஆராய்ச்சி நிலையம்.

இதையும் படிங்க:ஆதித்யா எல் 1-ல் இப்படி ஒரு வசதியா.? விஞ்ஞானிகளின் அசத்தல் கண்டுபிடிப்பு.!