ராட்சத மலைப்பாம்பினை லாவகமாக கையில் பிடித்த இளைஞர்

திண்டுக்கல்: இருசக்கர வாகனத்தில் சென்ற இளைஞர் 12 அடி நீள மலைப்பாம்பினை லாவகமாகப் பிடித்துள்ளார்.

திண்டுக்கல் மாவட்டம் உலகம்பட்டியைச் சேர்ந்த தாவூத் என்பவர் தனது இருசக்கர வாகனத்தில் அகரம் அரசுப் பள்ளி அருகே சென்றுகொண்டிருந்தார்.

அப்போது அந்த சாலையினைக் கடக்க ஒரு மலைப்பாம்பு சென்றுள்ளது. இதனைப் பார்த்த இளைஞர் நெஞ்சில் சிறிதும் பயமில்லாமல் துணிவுடன் தனது இரு சக்கர வாகனத்தின் வெளிச்சத்தின் உதவியுடன் லாவகமாக சுமார் 12 அடி நீள மலைப்பாம்பினைப் பிடித்துள்ளார்.

இதனை அறிந்த அப்பகுதி மக்கள் மலைப்பாம்பினைப் பார்க்க குவிந்ததால் பெரும் பரபரப்பு நிலவியது. இதனிடையே தகவலறிந்து சம்பவ இடத்திற்கு விரைந்து வந்த வேடச்சந்தூர் தீயணைப்புத் துறையினர் இளைஞரிடம் இருந்த மலைப்பாம்பினை மீட்டு வனப்பகுதியில் சென்றுவிட்டனர்.

இதையும் படிங்க: தாயுடன் சேர்ந்து தந்தையை கொலை செய்த பிள்ளைகள்!