திண்டுக்கல் மாவட்டம், ஒட்டன்சத்திரம் சட்டப்பேரவைத் தொகுதிக்கு உள்பட்ட தொப்பம்பட்டி பேருந்து நிலையம் அருகே தேர்தல் பறக்கும் படையினர் வாகனத் தணிக்கையில் ஈடுபட்டிருந்தனர். அப்போது, அவ்வழியாக தாராபுரத்தில் இருந்து தொப்பம்பட்டியில் உள்ள தனியார் ஏடிஎம் மையத்திற்கு பணம் நிரப்ப கொண்டு வந்த வாகனத்தை அலுவலர்கள் சோதனை செய்தனர். அதில், உரிய ஆவணமின்றி கொண்டு வரப்பட்ட 25 லட்சம் ரூபாய் பணம் கைப்பற்றப்பட்டது.
அதேபோல், உடுமலைப்பேட்டை சாலையில் உள்ள சாமிநாதபுரம் சோதனைச் சாவடியில் தேர்தல் பறக்கும் படையினர் நடத்திய வாகனத் தணிக்கையில், இருசக்கர வாகனத்தில் உரிய ஆவணமின்றி முருகானந்தம் என்பவர் கொண்டுவந்த 52 ஆயிரத்து 720 ரூபாய் பணம் கைப்பற்றப்பட்டது.