முதன்மைக்கல்வி அலுவலர் காலதாமதம்: பொதுமக்கள் காந்தி சிலையிடம் மனு அளிப்பு

திண்டுக்கல் மாவட்ட முதன்மைக் கல்வி அலுவலர் காலதாமதம் செய்ததால் காந்தி சிலையிடம் பொதுமக்கள் மனுவை அளித்தனர்.

திண்டுக்கல்: நாககோனூரில் உள்ள நடுநிலைப்பள்ளியில் கடந்த சில வாரங்களுக்கு முன்பு தலைமை ஆசிரியர் ராதா ராணி, விரியம்பட்டி அரசு நடுநிலைப்பள்ளி தலைமை ஆசிரியர் அண்ணாதுரை உடன், திருமணத்தை மீறிய உறவில் இருப்பதைப் பார்த்த பள்ளி மாணவர்கள் பெற்றோர்களிடம் தெரிவித்துள்ளனர்.

இதுகுறித்து வேடசந்தூர் கல்வி அலுவலரிடம் பலமுறை மனு கொடுத்தும் நடவடிக்கை எடுக்கும்படி அப்பகுதி மக்கள் தெரிவித்திருந்தனர்.

ஆனால், தற்போது வரை எந்த நடவடிக்கையும் எடுக்காததால் திண்டுக்கல் மாவட்ட முதன்மைக் கல்வி அலுவலர் கருப்புசாமியிடம் மனு கொடுப்பதற்காக வந்துள்ளனர்.

அப்போது நான்கு மணி நேரமாக அலுவலர் காலதாமதம் செய்துள்ளார்.

இதனால் மாவட்ட முதன்மைக் கல்வி அலுவலகம் முன்பு உள்ள காந்தி சிலையிடம் பொதுமக்கள் மனுவை அளித்தனர்.

இதையும் படிங்க:கார் கண்ணாடியை உடைத்த 2 இளைஞர்கள் கைது