தமிழ்நாடு, கர்நாடகா, ஆந்திரப்பிரதேசம், தெலங்கானா மாநிலங்களில் சுற்று பயணம் மேற்கொள்ளும் பிரதமர் மோடி, இன்று மாலை 3.30 மணி அளவில் காந்தி கிராமிய நிகர்நிலைப் பல்கலைக்கழகத்தின் 36-வது பட்டமளிப்பு நிகழ்ச்சியில் பங்கேற்று உரையாற்றுகிறார். இந்த நிகழ்ச்சியில் தமிழ்நாடு ஆளுநர் ஆர்.ர்என்.ரவி, தமிழ்நாடு முதலமைச்சர் மு.க. ஸ்டாலின் ஆகியோர் கலந்து கொள்கின்றனர்.
மதுரையில் இருந்து திண்டுக்கல் நகரத்திற்கு சாலை மார்க்கமாக செல்ல இருப்பதால், நேற்று(நவ-10) பாதுகாப்பு முன்னோட்டம் நடைபெற்றது. இன்று காலை 11.00 மணி முதல் மாலை 05.00 மணி வரை, பிற மாவட்டங்களில் இருந்து மதுரை, திண்டுக்கல் மார்க்கமாக செல்லும் வாகனங்கள் அனைத்தும் மாற்று பாதையில் செல்ல ஏற்பாடு செய்யப்பட்டுட்டுள்ளது.