நியாயவிலைக் கடைகள் சொந்த கட்டடத்தில் இயங்கும் - அமைச்சர்‌ சக்கரபாணி

தமிழ்நாட்டில் வாடகைக் கட்டடத்தில் இயங்கிவரும், அனைத்து நியாய விலைக் கடைகளும் விரைவில் சொந்தக் கட்டடத்தில் இயங்கும்‌ என உணவுத்துறை அமைச்சர்‌ சக்கரபாணி தெரிவித்துள்ளார்.

திண்டுக்கல்: தொப்பய்பட்டி ஒன்றியத்திற்கு உட்பட்ட பகுதிகளில், புதிய குடும்ப அட்டை வழங்கும் நிகழ்ச்சி நடைபெற்றது. இதில் தமிழ்நாடு உணவுத்துறை அமைச்சர் சக்கரபாணி கலந்துகொண்டு, பயனாளிகளுக்கு குடும்ப அட்டைகளை வழங்கினார்.

நிகழ்ச்சிக்கு பின்னர் செய்தியாளர்களிடம் பேசிய அவர், “தமிழ்நாட்டில் வாடகைக் கட்டடத்தில் இயங்கும், அனைத்து நியாயவிலைக் கடைகளும் விரைவில் சொந்தக்கட்டடத்துக்கு மாற்றம் செய்யப்படும். இதன்மூலம் வாடகைக் கட்டடத்திற்கு கொடுக்கப்படும் ரூ. 618 கோடி நிதி மிச்சமாகும்.

பத்து ஆண்டுகளில் 20 லட்சம் பேருக்கு வேலைவாய்ப்பை உறுதி செய்வது திமுக அரசின் இலக்கு. 5 ஆண்டுகளில் ஐந்து லட்சம் பேருக்கு வேலைவாய்ப்பை கொடுப்பது உறுதி” என்றார்.

நிகழ்ச்சியில் வருவாய்த்துறை அலுவலர்கள், பொதுமக்கள் உள்ளிட்ட ஏராளமானோர் கலந்துகொண்டனர்.

இதையும் படிங்க:காங்கிரஸ் ஆட்சியில் திறக்கப்பட்ட அங்கன்வாடியை மீண்டும் திறந்த புதுச்சேரி சபாநாயகர் - வெடித்தது சர்ச்சை!