சட்டவிரோதமாக மது விற்பனை: இருவர் கைது!

திண்டுக்கல்: ஒட்டன்சத்திரத்தில் சட்டவிரோதமாக மது விற்பனை செய்த இருவரை கைது செய்த போலீசார், அவர்களிடம் இருந்து 50 மதுபாட்டில்களை பறிமுதல் செய்தனர்.

திண்டுக்கல் மாவட்டம் ஒட்டன்சத்திரம் பகுதிகளில் சட்டவிரோதமாக அதிகாலை முதலே மதுபானம் விற்பனை செய்வதாக பொதுமக்களிடம் இருந்து காவல் நிலையத்திற்கு புகார்கள் வந்தன.

இதனையடுத்து ஒட்டன்சத்திரம் காவல் சார்பு ஆய்வாளர் விஜய், மதுபானம் விற்பனை நடைபெறும் இடங்களில் சோதனை செய்தார். அப்போது பேருந்து நிலையம், தாராபுரம் சாலையில் சட்டவிரோதமாக மதுபானம் விற்பனை செய்த செந்தில், சேகர் ஆகியோரை கைது செய்தனர். மேலும் அவர்களிடமிருந்த 50 மதுபாட்டில்களை பறிமுதல் செய்து விசாரணை நடத்தி வருகின்றனர்.