சக மாணவரை கத்தரிக்கோலால் குத்திக் கொன்ற 10ஆம் வகுப்பு மாணவன்

திண்டுக்கல்: கொடைக்கானலில் உள்ள தனியார் பள்ளியில் இரு மாணவர்களிடையே ஏற்பட்ட மோதலில், கபில் ராகவேந்திரா என்பவர் கத்தரிக்கோலால் குத்தி கொலை செய்யப்பட்டார்.

திண்டுக்கல் மாவட்டம் கொடைக்கானலில் இயங்கி வரும் வித்யாஷ்ரம் பள்ளியில், கபில் ராகவேந்திரா என்ற மாணவர் 10ஆம் வகுப்பு A பிரிவில் பயின்று வந்தார். இவர் ஓசூர் மாவட்டத்தைச் சேர்ந்தவர். அதே பள்ளியில் 10ஆம் வகுப்பு B பிரிவில் விருதுநகர் மாவட்டத்தைச் சேர்ந்த மாணவர் ஒருவர் படித்துள்ளார். இந்நிலையில், இருவருக்கும் இடையே ஏற்பட்ட தகராறில் கபில் ராகவேந்திராவை, அந்த மாணவர் கத்தரிக்கோலால் குத்தியதில், கபில் ராகவேந்திரா பலியானார். இந்தக் கொலை தொடர்பாக கொடைக்கானல் காவல்துறையினர் விசாரணை மேற்கொண்டு வருகின்றனர்.