திண்டுக்கல்:கேரள மாநிலம் கண்ணூர் அரசு மருத்துவமனையில் 40 வயதுடைய பெண் ஒருவர் சிகிச்சைக்காக அனுமதிக்கப்பட்டுள்ளார். அந்தப் பெண்ணிடம் மருத்துவர்கள் விசாரித்தபோது, மூன்று பேர் கூட்டுப்பாலியல் பலாத்காரம் செய்ததாக கூறியுள்ளார்.
உடனடியாக கண்ணூர் காவல்துறையினருக்கு மருத்துவர்கள் தகவல் தெரிவித்தனர். இதுதொடர்பாக அப்பெண்ணிடம் காவல்துறையினர் விசாரணை மேற்கொண்டனர். அப்போது, கடந்த 19ஆம் தேதி தனது கணவருடன் பழனிக்கு சென்றதாகவும், பேருந்து நிலையம் நோக்கி நடந்து சென்று போது, கணவர் அருகில் இருந்த கடைக்கு சென்று விட்ட நிலையில், மூன்று பேர் தன்னை கடத்திச் சென்று அருகில் இருந்த தங்கும் விடுதியில் அடைத்து வைத்ததாக கூறியுள்ளார்.
இரவு முழுவதும் கொடுமை
பின்னர் தன்னைத் தேடிவந்த கணவரை அந்த கும்பல் அடித்து விரட்டிவிட்டு இரவு முழுவதும் தங்கும் விடுதியில் வைத்து கூட்டுப் பாலியல் துன்புறுத்தல் செய்ததாகவும், காலையில் தங்கும் அறையில் இருந்து தப்பி வந்து கணவரிடம் நடந்ததை கூறியதாகவும் தெரிவித்துள்ளார்.
புகாரை வாங்க மறுத்த காவல்துறை