திண்டுக்கல்: திண்டுக்கல் மாவட்டம் கொடைக்கானல் அருகே தாண்டிக்குடி என்னும் மலைக்கிராமம் அமைந்துள்ளது. இந்தப் பகுதியைச்சேர்ந்த பன்னீர்செல்வம், செந்தில் குமார், அபிராமன், ஈஸ்வரன், சின்னையா, சரத்குமார், சேகர், நாகராஜன், கரியம்மாள் ஆகிய 9 பேர் தாண்டிக்குடி பகுதியில் இருந்து ஜீப் மூலமாக அரசன் கொடை பகுதிக்குச் சென்றுள்ளனர்.
பின்னர் விவசாயப்பொருட்களை இறக்கி வைத்துவிட்டுத் திரும்புகையில், சுமார் 150 அடி பள்ளத்தில் ஜீப் கவிழ்ந்து விபத்துக்குள்ளானது. இதைத்தொடர்ந்து சம்பவ இடத்திலேயே அபிராமன் என்பவர் உயிரிழந்தார். தகவல் அறிந்த அப்பகுதி மக்கள் அவர்களை மீட்டு தாண்டிக்குடி அரசு மருத்துவமனையில் அனுமதித்தனர்.
கொடைக்கானலில் 150 அடி ஆழத்தில் ஜீப் கவிழ்ந்து விபத்து - ஒருவர் பலி!