பழனி கோயில் தேவஸ்தான கட்டடங்களுக்கு அனுமதி பெறப்பட்டுள்ளதா? ஆய்வு செய்ய உத்தரவு
திண்டுக்கல்: ஆறுபடை வீடுகளில் மூன்றாம் படை வீடான பழனிக்கு(Palani) நாள்தோறும் ஆயிரக்கணக்கில் பக்தர்கள் வந்து செல்வர். தற்போது தைப்பூசம், பங்குனி உத்தரம் என்ற விசேஷ நாட்களில் லட்சக்கணத்தில் பக்தர்கள் வந்து செல்கின்றனர். இந்து சமய அறநிலையத்துறையின் சார்பில் அருள்மிகு தண்டாயுதபாணி திருக்கோயில் தேவஸ்தான நிர்வாகம் பக்தர்களுக்குத் தேவையான வசதிகளை செய்து கொடுத்து வருகிறது.
இந்த நிலையில் மலை அடிவாரத்தில் உள்ள கிரிவலப் பாதை, பூங்கா ரோடு, ரயில் நிலைய சாலை என பழனியில் பல இடங்களில் தேவஸ்தானத்திற்குச் சொந்தமான கட்டடங்கள் உள்ளன. கிரிவலப்பாதையில் உள்ள தங்கும் விடுதிகளில் தங்கி, பக்தர்கள் சாமி தரிசனம் செய்து வருகின்றனர். கட்டடங்களுக்கு 3 ஆண்டுகளுக்கு ஒரு முறை உறுதி தன்மை சான்றிதழ் பெற வேண்டும் என்பது பொதுக்கட்டடங்கள் உரிமைச் சட்டம் 1965ன் படியான விதி ஆகும்.