அகற்றப்பட்ட கொடிகள்... போலீசாருடன் வாக்குவாதத்தில் ஈடுபட்ட பாஜகவினர்

பிரதமர் மோடியின் வருகையையொட்டி, நடப்பட்ட பாஜக கொடியை மட்டும் அகற்றியதாக, திண்டுக்கல்லில் போலீசாருக்கும் பாஜகவினருக்கும் இடையே வாக்குவாதம் ஏற்பட்டது.

திண்டுக்கல்: சின்னாளப்பட்டி அருகே உள்ள காந்தியகிராம பல்கலைக்கழகத்தின் 36ஆவது பட்டமளிப்பு விழாவில் பிரதமர் மோடி நாளை (நவ.11) பங்கேற்கவுள்ளார். இந்நிலையில் மோடியின் வருகையையொட்டி, சாலைகளின் இருபுறங்களிலும் பாஜகவினர் அக்கட்சியின் கொடிகளை நட்டு வைத்திருந்தனர்.

அதேவேளையில் பிரதமர் மோடி வருகை தர உள்ள நிலையில் தமிழ்நாட்டின் முதலமைச்சர் மு.க.ஸ்டாலினும் அந்நிகழ்ச்சியில் பங்கேற்கவுள்ளார். இதனிடையே திமுகவினரும் முதலமைச்சரின் வருகையையொட்டி, திமுகவின் கொடியை சாலைகளின் இருபுறங்களிலும் நட்டுள்ளனர்.

இந்நிலையில் அங்கு பாதுகாப்புப் பணியில் ஈடுபட்டுள்ள போலீசார் பாஜகவினரின் கொடியை மட்டும் பிடிங்கி அப்புறப்படுத்தியதாகக் கூறப்படுகிறது. இதனால் பாஜகவினர், திமுகவினர் வைத்த கொடிகளையும் சேர்த்து அகற்றாது பாஜகவினரின் கொடியை மட்டும் அகற்றுவதா? என போலீசாருடன் வாக்குவாதத்தில் ஈடுபட்டனர்.

இதையும் படிங்க: சக அமைச்சரை ஒருமையில் பேசிய கே.என்.நேரு - சேலத்தில் நடந்தது என்ன?