இருசக்கர வாகன விபத்து - நல்வாய்ப்பாக உயிர் தப்பிய குழந்தை

குறுக்குச் சாலையில் திரும்ப முயன்ற வாகனத்தில் இருசக்கர வாகனம் மோதி 8 மாத கைக் குழந்தை உள்பட 3 பேர் சாலையில் சில அடி தூரத்திற்கு இழுத்துச் செல்லப்பட்ட சம்பவத்தின் சிசிடிவி காட்சிகள் வெளியாகி உள்ளன.

தருமபுரி:அரூர் நான்கு ரோடு பகுதியில் மனைவி மற்றும் 8 மாத கைக் குழந்தையுடன் ஜான்ராஜ் என்பவர் இருசக்கர வாகனத்தில் சென்றுகொண்டிருந்தார். அதே சாலையில் இருந்து பக்கவாட்டு சாலைக்கு மற்றொரு வாகன ஓட்டி திடீரென திரும்ப முயன்றார். இதை சற்றும் எதிர்பாராத ஜான்ராஜ் எதிரே வந்த இருசக்கர வாகனத்தின் மீது மோதினார்.

இதில் ஏற்பட்ட விபத்தில் 8 மாத கைக்குழந்தை ஜான்ராஜின் மனைவி உள்ளிட்டோர் சாலையில் சறுக்கிய படி சில அடி தூரத்திற்கு இழுத்துச் செல்லப்பட்டனர். அருகில் இருந்தவர்கள் குழந்தை மற்றும் தம்பதியை மீட்டு சிகிச்சைக்காக மருத்துவமனைக்கு அனுப்பி வைத்தனர்.

குழந்தைக்கு தலையில் அடிபட்ட நிலையில், ஜான்ராஜ் மற்றும் அவரது மனைவிக்கு லேசான காயங்கள் ஏற்பட்டன. சம்பவம் நடந்த இடத்தில் அடிக்கடி விபத்துகள் ஏற்படுவதாகவும், தடுப்புகள் அமைத்து விபத்தை தவிர்க்க காவல் துறை அதிகாரிகள் நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

இதையும் படிங்க:அட்லி - பிரியா தம்பதி வீட்டுல விஷேசம்!