தர்மபுரி மாவட்டம் பாலக்கோடு தக்காளி சந்தை சோதனைச்சாவடியில் காவல் துணைக் கண்காணிப்பாளர் தினகரன் தலைமையில் காவல் ஆய்வாளர் மனோகரன், காவல் துறையினர் இன்று அதிகாலை வாகன சோதனையில் ஈடுபட்டனர்.
அப்போது ஓசூரிலிருந்து தர்மபுரி நோக்கி கர்நாடகப் பதிவு எண் கொண்ட சரக்கு வாகனம் அந்த வழியாக வந்தது.
சந்தேகமடைந்த காவல் துறையினர் வாகனத்தை நிறுத்தி சோதனை செய்ததில் கர்நாடக மாநிலத்திலிருந்து தமிழ்நாட்டிற்குப் பெட்டி பெட்டியாக மதுபாட்டில்கள் கடத்திவரப்பட்டிருந்தது தெரியவந்தது.
இதனைத் தொடர்ந்து சுமார் ஐந்து லட்சம் ரூபாய் மதிப்பிலான 4,230 மதுபாட்டில்கள், கடத்தலுக்குப் பயன்படுத்திய சரக்கு வாகனம் ஆகியவற்றைப் பறிமுதல்செய்து, மது கடத்தலில் ஈடுபட்ட பாலக்கோட்டைச் சேர்ந்த அஜித்குமார் (22) ஒசூரைச் சேர்ந்த நாகராஜ் (27) ஆகிய இருவரை காவல் துறையினர் கைதுசெய்தனர்.