கர்நாடகாவில் தொடர் பைக் திருட்டில் ஈடுபட்ட தருமபுரி வாசி கைது!

தருமபுரி:கர்நாடகாவில் தொடர் இருசக்கர வாகனங்கள் திருட்டில் ஈடுபட்டு வந்த தருமபுரியைச் சேர்ந்த அருணாச்சலம், கைது செய்யப்பட்டுள்ளார்.

தருமபுரி மாவட்டம் பாலக்கோடு பகுதியைச் சேர்ந்தவர் அருணாசலம் (50). இவர் கர்நாடக மாநிலத்தில் சர்ஜாபுரம் காவல் நிலைய எல்லைக்குட்பட்ட காடுகோடி, சூர்யாசிட்டி, எலக்ட்ரானிக்சிட்டி பகுதிகளில் இருசக்கர வாகனங்களைத் திருடுவதை வாடிக்கையாக கொண்டுள்ளார்.

இந்த வாகனங்களைத் தருமபுரி பாலக்கோடு பகுதிக்குக் கொண்டுச் சென்று அடமானம் வைத்து பணம் சம்பாதித்து வந்துள்ளார். இதுகுறித்து விசாரணை நடத்தி வந்த சர்ஜாபுரம் காவல்துறையினர், வாகனத்தைத் திருடிய அருணாச்சலத்தை சிசிடிவியில் பதிவான காட்சிகளைக் கொண்டு தேடி வந்துள்ளனர்.

இந்நிலையில், நேற்று(மார்ச்.6) அவரை சர்ஜாபுரம் காவல் ஆய்வாளர் ஹரிஸ் தலைமையிலான காவல் துறையினர் கைது செய்தனர். அவரிடமிருந்து 10 லட்சம் ரூபாய் மதிப்புள்ள 18 இருசக்கர வாகனங்களைப் பறிமுதல் செய்தனர்.

இதையும் படிங்க:நண்பர்களுடன் குளியல்... ஏரியில் சிக்கிக்கொண்ட சிறுவன் உயிரிழப்பு!