தர்மபுரி மலை கிராமங்கள் அதிகம் உள்ள மாவட்டமாகும். இங்கு பென்னாகரம் சட்டப்பேரவைத் தொகுதிக்குள்பட்ட கோட்டூர் மலை, எரிமலை பகுதிகளில் தற்போதுவரை மக்களுக்கான போதிய சாலை வசதிகள் இல்லை.
இதற்கிடையில், நாளை தமிழ்நாடு சட்டப்பேரவைத் தேர்தல் நடைபெற உள்ள நிலையில் கோட்டூர் மலை, ஏரி மலையிலுள்ள வாக்குச்சாவடி மையத்திற்கு வாக்குப்பெட்டிகள் கழுதைகள் மூலம் அனுப்பிவைக்கப்பட்டன.
மலைப்பகுதியில் உள்ள வாக்குச்சாவடி மையத்திற்குச் செல்ல சாலை வசதி இல்லாததால் நான்கு கழுதைகள் மூலம் மின்னணு வாக்குப்பதிவு இயந்திரம், வாக்குப்பதிவுக்குத் தேவையான மூலப்பொருள்கள் அனைத்தும் பாதுகாப்பான முறையில் சாக்குப்பையில் கட்டி அதனை கழுதைகள் மீது ஏற்றிக்கொண்டு செல்கின்றனர்.
கழுதைகள் மூலம் வாக்குப்பெட்டிகள் அனுப்பிவைப்பு