தர்மபுரி: தர்மபுரி மாவட்டத்தில், 32ஆவது தேசிய சாலை பாதுகாப்பு வார விழாவையொட்டி நடந்த விழாவில், நான்காம் நாள் விழிப்புணர்வு நிகழ்ச்சியாக, தர்மபுரி மாவட்ட ஆட்சியர் அலுவலக வளாகத்தில், தலைக்கவசம் அணிவது குறித்த மகளிர் மட்டும் கலந்துகொண்ட விழிப்புணர்வு பேரணி நடைபெற்றது.
இந்த பேரணியை மாவட்ட காவல் கண்காணிப்பாளா் பிரவேஷ் குமார் தொடங்கி வைத்தார். பேரணியில் மாவட்ட ஆட்சியர் கார்த்திகா தலைக்கவசம் அணித்து இருசக்கர வாகனத்தில் மாவட்ட ஆட்சியர் அலுவலகம் முதல் தர்மபுரி நான்கு ரோடு சந்திப்பு வரையுள்ள 5 கிலோ மீட்டர் தூரத்திற்கு பயணம் செய்தார்.