நகராட்சிப் பள்ளியில் இரண்டு வாரங்களாக தேங்கியிருந்த மழைநீர் அகற்றம்!

தருமபுரி: ஈடிவி பாரத் செய்தியின் எதிரொலியாக, அரசுப் பள்ளியில் இரண்டு வாரங்களாக தேங்கியிருந்த மழைநீரை மாவட்ட நிர்வாகம் அகற்றியது.

தருமபுரி நகராட்சிக்கு உட்பட்ட அன்னசாகரம் நகராட்சி நடுநிலைப்பள்ளியில் மழைநீர் தேங்கியிருந்தது. இதனால், மாணவர்கள் பள்ளிக்குள் செல்லமுடியாமல் சிரமப்பட்டனர்.

இது குறித்து நேற்று முன்தினம் (அக். 19) ஈடிவி பாரத் செய்தி வெளியிட்டிருந்தது. மழை நீர் தேங்கியிருப்பது குறித்து மாவட்ட ஆட்சியர் மலர்விழியின் கவனத்துக்கும் கொண்டு செல்லப்பட்டது.

தேங்கியிருந்த மழைநீர் அகற்றப்பட்ட இடம்

இதையடுத்து பள்ளியில் தேங்கியிருந்த மழைநீரை அகற்ற நகராட்சி ஊழியர்களுக்கு மாவட்ட ஆட்சியர் உத்தரவிட்டார்.

மாவட்ட ஆட்சியரின் உத்தரவின்பேரில் நகராட்சி ஊழியர்கள் மழைநீரை அப்புறப்படுத்தினர்.

இதையும் படிங்க:மழைநீர் வழிந்தோடிய வாய்க்கால் வழியே இறுதி ஊர்வலம்!