தர்மபுரி: அரூர் அருகே உள்ள நெருப்பாண்டகுப்பம் கிராமத்தில் 500 -க்கும் மேற்பட்ட குடும்பங்கள் வசித்து வருகின்றன. இந்த கிராமத்தில் இதுவரை ஒருவருக்கு கூட கரோனா தொற்று உறுதி செய்யப்படவில்லை என்று கூறப்படுகிறது.
இதற்கு கிராமத்தின் காவல் தெய்வம் ஸ்ரீ முத்துமாரி அம்மன்தான் காரணம் என்று உள்ளூர் வாசிகள் நம்புகின்றனர். இதனால் கரோனா தொற்றிலிருந்து தங்களை காத்த அம்மனுக்கு 101 குடம் அபிசேகம் செய்து வழிபட்டுள்ளனர்.
ஊர்கூடி கூழ் ஊற்றிய மக்கள் -கரோனா இல்லாத கிராமத்தில் கரோனா பரவும் அச்சம்
அதுமட்டுமின்றி கூத்தும் குதூகலமுமாய் கூல் ஊற்றி கொண்டாடியுள்ளனர். அப்போது சமூக இடைவெளி, முக கவசம் போன்ற கரோனா முன்னெச்சரிக்கை விதிமுறைகளை காற்றில் பறக்க விட்டு ஊர்வலமாய் ஊர் சுற்றி வந்துள்ளனர்.