தருமபுரி மாவட்டம் பென்னாகரம் அருகே உள்ள ஏரியூர் காவல்நிலைய எல்லைக்குள்பட்ட பகுதிகளில் காவல் துறையினர் தீவிர தலைக்கவச வாகன சோதனையில் ஈடுபட்டனர். அப்போது அவ்வழியாக சைக்கிளில் சென்ற பள்ளி மாணவனை காவல் ஆய்வாளர் சுப்பிரமணி என்பவர் தடுத்து நிறுத்தியுள்ளார்.
இதனையடுத்து மாணவனிடம் தலைக்கவசம் ஏன் போடவில்லை எனக் கேட்டு சைக்கிளிலிருந்து காற்றை வெளியேற்றியதுடன் சைக்கிளையும் பறிமுதல் செய்துள்ளார்.
மாணவனிடம் தலைக்கவசம் கேட்கும் காவல் துறை
இந்தக் காணொலி சமூக வலைதளங்களில் தற்போது வைரலாகிவருகிறது. மத்திய அரசு கொண்டுவந்த மோட்டார் வாகன சட்டத்தை தமிழ்நாடு அரசு தீவிரமாக கடைப்பிடித்துவருகிறது என்பது குறிப்பிடத்தக்கது.