'தென்னகத்தின் நயாகரா' என்றழைக்கப்படும் ஒகேனக்கல் நீா்வீழ்ச்சி தருமபுரி மாவட்டம் பென்னாகரம் அருகே அமைந்துள்ளது. அருவியில் குளிப்பது, பரிசல் பயணம், எண்ணெய் மசாஜ் போன்றவை ஒகேனக்கல்லின் சிறப்பம்சமாகும்.
புதன்கிழமை அன்று ஆங்கில புத்தாண்டை தங்கள் குடும்பத்துடன் கொண்டாட ஏராளமான சுற்றுலாப் பயணிகள் ஒகேனக்கல்லில் குவிந்தனா். சுற்றுலாப் பயணிகளின் வருகையால் வாகனங்கள் ஒரு கிலோ மீட்டர் தொலைவிற்கு முன்பே நிறுத்தப்பட்டன.
பரிசலில் பயணம் மேற்கொண்டும், எண்ணெய் மசாஜ் செய்தும், மெயின் அருவியில் குளித்தும் சுற்றுலாப் பயணிகள் மகிழ்ந்தனர். ஒகேனக்கல்லின் மற்றொரு சிறப்பான மீன் உணவுகளையும் சுற்றுலா பயணிகள் சுவைத்து மகிழ்ச்சி அடைந்தனர்.
ஆர்ப்பரிக்கும் ஒகேனக்கல் நீர்வீழ்ச்சி