டெம்போ லாரி கவிழ்ந்து வியாபாரி உயிரிழப்பு!

தருமபுரி: பாலக்கோடு அருகே டெம்போ லாரி கவிழ்ந்து வியாபாரி ஒருவர் உயிரிழந்த சம்பவம் சோகத்தை ஏற்படுத்தியுள்ளது.

தருமபுரி மாவட்டம் பாலக்கோடு அடுத்த வாழைத் தோட்டம் பகுதியைச் சேர்ந்தவர் பெரியசாமி(60. இவர் நாட்டுச் சர்க்கரை வியாபாரம் செய்து வருகிறார்.

இந்நிலையில் பெரியசாமி இன்று (ஜூன்24) அதிகாலை லாரியில் வெள்ளம் ஏற்றிக்கொண்டு பாலக்கோடு பகுதியிலிருந்து பெங்களூரு நோக்கி சென்று கொண்டிருந்துள்ளார்.

அப்போது, லாரி பாலக்கோடு சர்க்கரை ஆலை அருகே உள்ள கோடியூர் பகுதியில், ஓட்டுநர் கட்டுப்பாட்டை இழந்து சாலையிலிருந்து விலகி பள்ளத்தில் கவிழ்ந்தது. இந்த விபத்தில் வியாபாரி பெரியசாமி சம்பவ இடத்திலேயே உயிரிழந்தார். லாரி ஓட்டுநரும் அவரது உதவியாளரும் லேசான காயங்களுடன் பாலக்கோடு அரசு மருத்துவமனையில் சிகிச்சை பெற்றுவருகின்றனர்.

தருமபுரியில் டெம்போ லாரி கவிழ்ந்து வியாபாரி உயிரிழப்பு

உயிரிழந்த பெரியசாமியின் உடலை பாலக்கோடு காவல் துறையினர் மீட்டு பிரேத பரிசோதனைக்காக அரசு மருத்துவமனைக்கு அனுப்பிவைத்தனர்.

இந்த விபத்து குறித்து பாலக்கோடு காவல் துறையினர் வழக்குப்பதிவு செய்து விசாரணை நடத்திவருகின்றனர்.

இதையும் படிங்க...காவலர்கள் மீது கொலை வழக்குப்பதிவு செய்ய வேண்டும் - ஜெயராஜ் மனைவி புகார்