கூத்தப்பாடி பஞ்சாயத்து பொதுமக்கள் ஆர்ப்பாட்டம்

தருமபுரி: கூத்தப்பாடி பஞ்சாயத்து தலைவர் அவமரியாதையாக நடத்துவதாக கூறி பொதுமக்கள் ஆர்ப்பாட்டத்தில் ஈடுபட்டனர்.

தருமபுரி மாவட்டம் கூத்தப்பாடி பஞ்சாயத்து தலைவராக இருப்பவர் பாஸ்கரன். அப்பகுதி மக்கள் அடிப்படை வசதி கேட்டு சென்றால் அவமரியாதையாக நடத்துவதாக தெரிகிறது.

இதனால் பென்னாகரம் ஊராட்சி ஒன்றிய அலுவலகத்தை 100க்கும் மேற்பட்ட பொதுமக்கள் காலி குடங்களுடன் முற்றுகையிட்டு ஆர்ப்பாட்டத்தில் ஈடுபட்டனர்.

இதுகுறித்து தகவலறிந்து வந்த காவல்துறையினர் உரிய நடவடிக்கை எடுப்பதாக உறுதியளித்தனர். இதையடுத்து அவர்கள் போராட்டத்தை கைவிட்டனர்.

இதையும் படிங்க: காலி குடங்களுடன் பெண்கள் போராட்டம்