ஆஞ்சநேயருக்கு சிறப்பு பூஜை: நீண்ட வரிசையில் காத்திருந்து பக்தர்கள் தரிசனம்!

தருமபுரி: பிரசித்தி பெற்ற அபய ஆஞ்சநேயர் திருக்கோயிலில் ஆஞ்சநேயா் ஜெயந்தியை முன்னிட்டு சிறப்பு பூஜை செய்யப்பட்டது.

தருமபுரி நகா் எஸ்.வி.ரோடு பகுதியில் அபய ஆஞ்சநேயர் திருக்கோயில் அமைந்துள்ளது. இன்று, ஆஞ்சநேயா் ஜெயந்தியை முன்னிட்டு ஆஞ்சநேயருக்கு காலையில் பால், வெண்ணெய், தயிர் உள்ளிட்டவற்றால் சிறப்பு அபிஷேகம் நடைபெற்றது. மலர்களால் அலங்கரிக்கப்பட்ட ஆஞ்சநேயர், வெற்றிலை மாலை அணிந்து பக்தர்களுக்கு அருள்பாலித்தார்.

பக்தர்கள் நீண்ட வரிசையில் காத்திருந்து ஆஞ்சநேயரை தரிசித்தனர். வே. முத்தம்பட்டி காட்டு பகுதியில் அமைந்த பிரசித்தி பெற்ற முத்தம்பட்டி ஆஞ்சநேயர் திருக்கோயில், தொப்பூா் ஆஞ்சநேயசுவாமி திருக்கோயில்களிலும் சிறப்பு பூஜை நடைபெற்றது. பூஜை முடிந்ததும் ஆஞ்சநேய பக்தர்களுக்கு வடை பிரசாதமாக வழங்கப்பட்டது.

இதையும் படிங்க: பூட்டி இருக்கும் கழிவறைகளால் சுற்றுலாப் பயணிகள் அவதி...!