'பொதுமக்கள் குறைகளைத் தெரிவிக்க பிரத்யேக செல்போன் எண் தரப்படும்' - பாமக வேட்பாளர்

தர்மபுரி: பொதுமக்கள் குறைகளைத் தெரிவிக்கப் பிரத்யேக செல்போன் எண் தரப்படும் என தர்மபுரி பாமக வேட்பாளர் எஸ்.பி. வெங்கடேஸ்வரன் தெரிவித்துள்ளார்.

தர்மபுரி சட்டப்பேரவைத் தொகுதியில் அதிமுக கூட்டணியில் பாட்டாளி மக்கள் கட்சியின் சார்பில் எஸ்.பி. வெங்கடேஸ்வரன் போட்டியிடுகிறார். இந்நிலையில் இன்று அவர் நல்லம்பள்ளி ஒன்றியத்துக்குள்பட்ட எர்ரபையன அள்ளி, பண்ட அள்ளி, சோமன அள்ளி ஆகிய பகுதிகளில் தேர்தல் பரப்புரை மேற்கொண்டார்.

அப்போது, பெண்களுக்கு மாதம் ஆயிரத்து 500 ரூபாய் உதவித்தொகை, ஆண்டிற்கு ஆறு சிலிண்டர் உள்ளிட்ட அதிமுக தேர்தல் அறிக்கையில் குறிப்பிட்டுள்ள வாக்குறுதிகளைக் கூறி பொதுமக்களிடம் வாக்குச் சேகரித்தார்.

தான் வெற்றிபெற்றவுடன் பொதுமக்கள் தங்கள் பிரச்சினைகளைத் தெரிவிக்க பிரத்யேக செல்போன் எண் வழங்கப்படும் என்றும், இதில் புகார்களைத் தெரிவித்தால் நேரடியாக வந்து தீர்த்துவைப்பதாகக் கூறி கிராம மக்களிடம் வாக்குச் சேகரித்தார்.

இதையும் படிங்க: இழிவாக பேசியதால் திமுகவிலிருந்து விலகினேன் - குஷ்பூ