தர்மபுரி மாவட்டம் பாலக்கோடு அடுத்த கம்மாளப்பட்டி கிராமத்தைச் சேர்ந்த சாமிநாதன் சித்ரா தம்பதியின் மூத்த மகன் பூபதி. இவர் 2015ஆம் ஆண்டு ராணுவத்தில் சேர்ந்தார். அவருடன் பிறந்தவர்கள் ஒரு தம்பி, ஒரு தங்கை. பூபதிக்கு இன்னும் திருமணமாகவில்லை. கடந்த இரண்டு மாதங்களுக்கு முன்பு தங்கை திருமணத்தை நடத்தி முடித்துவிட்டு ராணுவப் பணிக்குச் சென்றார்.
இந்நிலையில், நேற்று முன்தினம் 4ஆம் தேதி ஜம்மு காஷ்மீரில் நடந்த ராணுவ வாகன விபத்தில் பூபதி உயிரிழந்தார். உயிரிழந்த பூபதியின் உடல் சொந்த ஊரான பாலக்கோடு கம்மாளப்பட்டி பகுதிக்கு ராணுவ வாகனத்தின் மூலம் கொண்டுவரப்பட்டு குடும்பத்தினர் அஞ்சலிக்காக வைக்கப்பட்டது.